Vísindavaka verður haldin laugardaginn 27. september í Laugardalshöllinni. 20 ár eru síðan Vísindavaka var fyrst haldin.
Vísindavaka er sannkölluð uppskeruhátíð, vísindanna á Íslandi, þar sem gestir kynna sér vísindin á lifandi hátt og eiga í beinu samtali við rannsakendur og vísindafólk frá háskólum, stofnunum og fyrirtækjum í íslensku vísindasamfélagi.
Vísindavaka var fyrst haldin árið 2005 og fagnar því 20 ára afmæli á þessu ári.
Dagskráin hefst kl. 12:00 og verður sýningarsvæði Vísindavöku opið til kl. 17:00.
Vísindin eru fjölbreytt og tengjast inn í alla anga samfélagsins með beinum eða óbeinum hætti. Á Vísindavöku, sannkallaðri uppskeruhátíð vísindanna í íslensku samfélagi, gefst gestum kostur á að hitta og ræða við okkar fremsta vísindafólk og kynnast mikilvægi rannsókna- og vísindastarfs í nútímasamfélagi. Miðpunktur Vísindavökunnar er sýningarsvæðið þar sem hægt er að kynnast rannsóknastarfi á öllum fræðasviðum á fjölmörgum sýningarbásum.
Á Vísindavöku er hægt að prófa ýmis tæki og tól sem vísindafólk vinnur með í sínu daglega starfi og einnig verða fjölmörg tækifæri til að prófa sjálf hvernig vísindi og nýsköpun virka.
Hér er hægt að skoða lista yfir sýnendur á Vísindavöku 2025
Finndu Vísindavöku 2025 á facebook
Vísindavaka er opin öllum, ungum sem öldnum. Aðgangur er ókeypis
Leyfðu vísindunum að vekja hjá þér forvitni og undrun, því vísindin eru "undur"samleg.
