Vísindamiðlun - Hvað er það?
Vísindamiðlun snýst um að miðla vísindum á skýran og áhugaverðan hátt þannig að sem flestir skilji og hafi gaman af. Markmiðið er að vekja athygli fólks á vísindum, kveikja áhuga, dýpka skilning og jafnvel breyta viðhorfum.
Þetta getur verið allt frá hefðbundnum fyrirlestrum og kennslu í skólum yfir í fræðsluerindi, málstofur og ráðstefnur. Vísindamiðlun getur líka verið óformlegri, til dæmis í gegnum sýningar, viðburði á vísindasöfnum og -setrum, eða í fjölmiðlum og á netinu. Þá er einnig hægt að greina á milli miðlunar innan vísindasamfélagsins annars vegar og miðlunar til almennings hins vegar.
Vísindamiðlun skiptir miklu máli fyrir samfélagið því hún hjálpar okkur að skilja heiminn í kringum okkur og taka upplýstar ákvarðanir. Þegar vísindi eru útskýrð á mannamáli verða þau aðgengileg fyrir okkur öll. Það eflir gagnrýna hugsun, vekur áhuga ungs fólks á námi og rannsóknum og styrkir traust á vísindum. Með góðri vísindamiðlun getum við sameinast um að takast á við krefjandi samfélagslegar áskoranir.
Viðurkenning Rannís fyrir framúrskarandi vísindamiðlun var fyrst veitt á Vísindavöku árið 2006 og er veitt einstaklingi, stofnun, skóla, fyrirtæki, samtökum eða verkefni, sem þykir hafa staðið ötullega að því að miðla vísindum og fræðum til almennings á áhugaverðan hátt.
Rannís óskar eftir tilnefningum til viðurkenningar fyrir framúrskarandi vísindamiðlun í íslensku samfélagi. Hægt er að senda inntilnefningu með því að smella á hnappinn hér fyrir neðan
Vilt þú fræðast meira um vísindamiðlun?. Hér er að finna áhugaverða hlekki á lesefni, myndbönd og fleira um vísindamiðlun. Ávallt bætist við listann og því ágætt að kíkja hér reglulega inn.
Vísindamiðlun er stunduð á fjölbreyttum formum út um allan heim. Hér er að finna ýmsa áhugaverða tengla með upplýsingum um viðburði, fróðleik og skemmtun þar sem vísindamiðlun er í forgrunni.
